फलटण: माध्यम कार्यात अधिक पारदर्शकता आणि जबाबदारी आणण्याच्या उद्देशाने फलटण येथील राजकीय पक्ष आणि सामाजिक संघटनांसाठी पत्रकार परिषद (Press Conference) आणि प्रेस नोट प्रसिद्ध करण्याबाबत नवी आचारसंहिता (Code of Conduct) लागू करण्यात आली आहे. यापुढे संघटनेच्या पदाधिकाऱ्यांमार्फतच माध्यमांशी अधिकृत संपर्क साधणे अनिवार्य असणार आहे.

या नव्या नियमावलीनुसार, पत्रकार परिषद किंवा प्रेस नोट आयोजनासाठी संबंधित पक्ष/संघटनांना पत्रकार संघटनेच्या पदाधिकाऱ्यांना आगाऊ माहिती देणे बंधनकारक राहील. माहिती देताना सत्यता, संयम आणि जबाबदारीचे भान ठेवणे आवश्यक असल्याचंही नमूद करण्यात आलं आहे.

पारदर्शकता आणि जबाबदारीवर भर

ही आचारसंहिता माध्यम कार्यात अधिक स्पष्टता आणण्यासाठी लागू करण्यात आली आहे. नियमावलीच्या निकषांनुसार, संबंधित बातमी प्रसिद्ध करण्याचा अधिकार पूर्णपणे त्या त्या वृत्तपत्रांना राहील, असे स्पष्ट करण्यात आले आहे. महत्त्वाचे म्हणजे, अनधिकृत व्यक्तींनी किंवा नोंदणीकृत माध्यमांच्या बाहेरील घटकांनी माहिती प्रसिद्ध करू नये, अशी सूचनाही देण्यात आली आहे.

या नियमावलीमुळे पत्रकार आणि सामाजिक व राजकीय संघटनांमध्ये सुसंवाद राखण्यास मदत होईल, असा विश्वास पत्रकार संघटनेच्या वरिष्ठ पदाधिकाऱ्यांनी व्यक्त केला आहे.

अधिक माहितीसाठी संपर्क: पत्रकार परिषदेसंदर्भात अधिक माहितीसाठी यशवंत खलाटे-पाटील (9421213656, 9822973344) यांच्याशी संपर्क साधण्याचे आवाहन करण्यात आले

आहे.