फलटण:सातारा जिल्हा मध्यवर्ती सहकारी बँकेने फलटण तालुक्यातील विकास सोसायटीच्या शेतकरी सभासदांसाठी 'पी एम सूर्य घर: मुक्त बिजली' ही महत्त्वपूर्ण योजना सुरू केली आहे. ग्रामीण भागातील सामान्य शेतकरी वर्गाला सौर ऊर्जेचा लाभ मिळावा आणि त्यांचे वीज बिल शून्य व्हावे, हे या योजनेचे मुख्य उद्दिष्ट आहे.

योजनेतील अनुदान आणि आर्थिक तरतूद:

केंद्र शासनाच्या अनुदानाचा मोठा आधार या योजनेला आहे.

1 ते 2 किलोवॅट (KW) साठी: केंद्र सरकारकडून ₹30,000 ते ₹60,000 पर्यंत अनुदान.

2 ते 3 किलोवॅट (KW) साठी: केंद्र सरकारकडून थेट ₹78,000 रुपयांचे अनुदान मिळणार आहे.

हे अनुदान अर्ज केल्यानंतर अवघ्या पंधरा दिवसांत सभासदाच्या कर्ज खात्यात जमा होऊन, कर्जाच्या मूळ रकमेतून वजा केले जाते. त्यामुळे शेतकऱ्याला केवळ उर्वरित कर्जावरच व्याज भरावे लागणार आहे.

कर्ज आणि परतफेडीची सोय:

शेतकऱ्यांच्या आर्थिक स्थितीचा विचार करून बँकेने आकर्षक कर्जाची तरतूद केली आहे.

बागायत क्षेत्रासाठी: ₹1,60,000 पर्यंत कर्ज.

जिरायत क्षेत्रासाठी: ₹80,000 पर्यंत कर्ज.

विकास सोसायटीच्या माध्यमातून या कर्जाची फेड 7 वर्षांपर्यंत समान हप्त्यांमध्ये (वार्षिक हप्ता) करण्याची मुभा देण्यात आली आहे.

व्याजदर: सुरुवातीला 9% व्याजदर असला तरी, राष्ट्रीयकृत बँकांप्रमाणेच नियमित कर्ज फेडणाऱ्या सभासदांना 'रिबेट'च्या (Rebate) माध्यमातून 3% व्याजाचा परतावा मिळतो. त्यामुळे प्रभावी व्याजदर केवळ 6% इतका होतो.

सौर ऊर्जा प्रणालीचे फायदे (रूफ टॉप सोलर सिस्टीम):

घरांवर बसवण्यात येणारी रूफ टॉप सोलर सिस्टीम दिवसाला 15 ते 18 युनिटपर्यंत वीज तयार करते. यासाठी वेगळे मीटर बसवले जाते, ज्यामुळे तयार झालेली वीज 'महावितरण' (MSEDCL) ला रोजच्या रोज विकली जाते.

नेट मीटरिंग: महिन्याच्या अखेरीस, आपण वापरलेले युनिट्स आणि पॅनलद्वारे तयार झालेले युनिट्स यांची वजाबाकी (Net Metering) होते. यामुळे बहुतांश शेतकरी सभासदांचे मासिक वीज बिल शून्य (Zero) येणार आहे.

बँकेचे आवाहन:

सातारा जिल्हा मध्यवर्ती सहकारी बँकेचे हे धोरण सर्वसामान्य शेतकरी वर्गाला भविष्यात कोणत्याही प्रकारचे लाईट बिल येणार नाही यासाठी आहे. फलटण तालुक्यातील जास्तीत जास्त विकास सोसायटी शेतकरी सभासदांनी या कर्ज धोरणाला प्रतिसाद देऊन आपल्या घरांवर सोलर सिस्टीम बसवावी आणि 'हर घर मुक्त बिजली' हे स्वप्न साकार करावे, असे आवाहन सातारा जिल्हा मध्यवर्ती सहकारी बँकेच्या वतीने करण्यात आले आहे.

अधिक माहितीसाठी संपर्क: प्रसाद शरद रणवरे, सातारा जिल्हा मध्यवर्ती सहकारी बँक – 7709053000.