जिंती (प्रतिनिधी):

रयत शिक्षण संस्थेचे श्री जितोबा विद्यालय जिंती (ता. फलटण) येथे महाराष्ट्र शासन आरोग्य विभाग आणि प्राथमिक आरोग्य उपकेंद्र जिंती यांच्या संयुक्त विद्यमाने 'मुखाचा कर्करोग आणि एचपीव्ही (HPV) लसीकरण' या विषयावर विशेष कार्यशाळेचे आयोजन करण्यात आले होते.

तज्ज्ञांचे मार्गदर्शन आणि पीपीटी सादरीकरण

या कार्यशाळेचे अध्यक्षपद ज्येष्ठ शिक्षक व समुपदेशक ताराचंद्र आवळे यांनी भूषविले. जिंती आरोग्य उपकेंद्राचे डॉ. गायके एम. डी., आरोग्य सेविका भुजबळ ए. ए., साळुंखे ए. एस. आणि सौ. जमदाडे व्ही. एस. यांची प्रमुख उपस्थिती होती. यावेळी डॉ. गायके आणि त्यांच्या सहकाऱ्यांनी पीपीटीद्वारे विद्यार्थिनींना सविस्तर माहिती दिली.

एचपीव्ही लसीकरणाचे महत्त्व

आरोग्य विभागातर्फे सांगण्यात आले की, वयाची १४ वर्षे पूर्ण ते १५ व्या वाढदिवसादरम्यानच्या विद्यार्थिनींना ही लस दिली जाणार आहे.

महत्त्वाचे मुद्दे:

पौगंडावस्थेत होणारे शारीरिक व मानसिक बदल लक्षात घेता ही लस अत्यंत महत्त्वाची आहे.

मुखाचा कर्करोग आणि गर्भाशयाच्या मुखाच्या कर्करोगापासून बचावासाठी हे प्रभावी साधन आहे.

लस पूर्णपणे सुरक्षित असून कोणत्याही अफवांवर विश्वास ठेवू नका, असे आवाहन यावेळी करण्यात आले.

"महाराष्ट्र शासनाचा हा एक महत्त्वाकांक्षी उपक्रम असून एचपीव्ही लसीकरण हे भविष्यातील कर्करोग टाळण्यासाठी आपल्यासाठी वरदान आहे. वातावरणातील बदल आपण थांबवू शकत नाही, मात्र उपलब्ध आरोग्य योजनांचा लाभ घेणे आपल्या हातात आहे."

— ताराचंद्र आवळे (अध्यक्षीय भाषणातून)

उपस्थिती आणि आभार

कार्यशाळेचे प्रास्ताविक उपशिक्षक सोळंकी ए. आर. यांनी केले, तर आभार सौ. जमदाडे व्ही. एस. यांनी मानले. या प्रसंगी आरोग्य विभाग प्रमुख कु. हन्नोरे एस. एम., सौ. सोनवलकर ए. ए. यांच्यासह महिला पालक आणि विद्यार्थिनी मोठ्या संख्येने उपस्थित होत्या. उत्तम आरोग्य राखण्यासाठी मुलींनी कोणतीही भीती न बाळगता या मोहिमेत सहभागी व्हावे, असा सूर या कार्यशाळेतून उमटला.