सातारा दि.7 : देशातील शैक्षणिक संस्थांमध्ये उच्च शिक्षण घेण्यासाठी राज्यातील अनुसुचित जातीच्या विदयार्थ्यांना राजर्षि शाहू महाराज शिष्यवृत्ती या योजनेसाठी सन 2025-26 करिता विदयार्थ्यांकडून अर्ज करण्यास मुदतवाढ देण्यात आले आहे.

देशातील नामांकित शैक्षणिक संस्थामध्ये उच्च शिक्षण घेण्यासाठी राज्यातील अनुसुचित जातीच्या विदयार्थ्यांना राजर्षी शाहू महाराज शिष्यवृत्ती या योजनेसाठी सन 2025-26 करिता विदयार्थ्यांकडून अर्ज मागविण्यात आले होते.

तथापि शैक्षणिक संस्थामधील सन 2025-26 मधील प्रवेश प्रक्रिया अदयाप पूर्ण झालेली नाही.

सबब आयुक्तालयाचे दिनांक 31 जूलै 2025 च्या मागविण्यात आलेल्या उपरोक्त अर्ज करण्याच्या अंतिम दिनांकास यादवारे मुदतवाढ देण्यात येत आहे. खालील नमुद वेबसाईटवरून अर्ज डाउनलोड करून तो परिपूर्ण व आवश्यक त्या कागदपत्रासह दिनांक. 17 नोव्हेंबर 2025 रोजी सायंकाळी  6.15 वाजेपर्यंत किंवा समक्ष "समाजकल्याण आयुक्तालय, ३ चर्च रोड, पुणे-४११००१" येथे यांचेकडे सादर करावेत.

अर्जाचा नमुना व अधिक सविस्तर माहितीसाठी www.maharashtra.gov.in या संकेत स्थाळाला भेट दयावी.